ILOILO CITY – Wala pa sa gihapon makilala ang identity sang riding in tandem suspects nga nagluthang-patay sa isa ka call center agent sa Brgy. Taft North, Mandurriao, Iloilo City.
Matandaan nga sang nagligad nga Biyernes, ginluthang-patay sang riding in tandem si Mark Muller, 38, sang Cuartero St., Jaro, Iloilo City samtang nasalabat naman ang isa pa gid ka call center agent nga si Christopher Jinon, 32, sang Brgy. Bularan, Banate, Iloilo.
Sa interview sang Bombo Radyo kay Police Major Marlon Valencia, hepe sang Mandurriao Police Station, iya ginpahayag nga wala pa sa gihapon sang may nangisog nga witness sa krimen.
Santo sa pagpangusisa suno kay Valencia, magluwas sa illegal drugs, nangin miyembro man sadto sang gang si Muller.
Indi lang matumod ni Valencia ang detalye kun san-o nangin miyembro ukon san-o naghalin sa grupo ang ginpatay nga call center agent.
Nagaguwa man sa imbestigasyon nga natabu-an lamang nga halos dungan nga nagpangihi sa area ang duha ka call center agent rason kun nga-a nasalabat si Jinon sa krimen.
Nagaguwa man sa imbestigasyon nga nagalakat na si Muller sang ginluthang sang riding in tandem suspects.
