ILOILO CITY – Nabudalayan ang Iloilo City Police Office sa pagsolbar sang riding in tandem incidents sa syudad sang Iloilo.
Ini ang kasunod sang asud-asud nga riding in tandem incidents sang nakaligad nga semana.
Sa interview sang Bombo Radyo kay Iloilo City Police Office Director Police Col. Martin Defensor Jr., iya ginpahayag nga sa iya termino, naglab-ot sa 24 ang riding in tandem incidents nga natabo sa diin apat pa lang ka kaso ang may yara sang person of interest.
Isa sa mga rason suno kay Defensor amo nga indi maathag ukon wala nakita sa Closed Circuit Television cameras ang guya sang mga suspek nga kalabanan ang nagasuksuk sang full-face helmet ukon bonnet.
Magluwas diri, isa man sa mga rason amo nga wala sang may nagapangisog nga witness sa kaso kag wala man nagabulig ang pamilya sang mga biktima.
Kadungan sini, ginpahayag sang Iloilo City Police Office Director nga indi pulis ang sa likod sang riding in tandem incidents ilabi pa nga ang kalabanan sa mga biktima ang naangot sa illegal drugs.
Ginpahayag ni Defensor nga ang pulis pa ang nagabulig sa pagdala sa mga biktima sa hospital agud nga makabulig sa pagtumod sa mga suspek.
