ALIMODIAN, ILOILO – Wala ginadula sang otoridad ang posibilidad nga may yara sang foul play sa kamatayon sang 21 anyos nga lalaki nga nasapwan sa sulod sang bubon sa Sitio Bongol, Brgy. Poblacion, Alimodian, Iloilo.
Sa interview sang Bombo Radyo kay Police Lt. Col. Ulysses Ortiz, Assistant Regional Chief sang Regional Crime Laboratory 6, iya ginpahayag nga wala sang pilas ang bangkay ni Ronilo Alegrado.
Suno kay Ortiz, nagatabuli ang bangkay sang naabtan sang mga katapo sang Scene of the Crime Operation team.
Ginpahayag ni Ortiz nga bisan nga nagapati ang pamilya nga suicide ang natabo apang indi man madula ang posibilidad nga may yara sang foul play sa kamatayon ni Alegrado.
Mas makapaayo suno sa natungdan nga ipaidalom sa autopsy examination ang bangkay agud nga mahibalu-an kun ano ang ginkamatay sang biktima.
