ILOILO– Padayon ang ginapatigayon nga pagtinlo sa Material Recovery Facility sa Iloilo Central Market.
Sa interview sang Bombo Radyo kay Raqelio Almeute, enforcer sa Material Recovery Facility sa nasambit nga merkado, iya ginpahayag nga nangin mas maayo kag nangin organisado ang pagseparar sang mga basura nga ginahaboy.
Suno kay Almuete, nagapangayo man sila sa gihapon sang bulig sa mga pumuluyo nga mas mangin responsable sa paghaboy sang basura.
Nagakadapat nga ibutang ang mga basura sa plastik kag higtan sang maayo agud indi maglapta.
Nagpanugyan Almuete nga kun tani, ang Material Recovery Facility sang Iloilo Central Market ang para lang sa mga nagabaligya sa nasambit nga merkado.
