ILOILO CITY – Madugay na nga ginabantayan sang Regional Drug Enforcement Unit ang duha ka mga durugista nga nadakpan sa buy bust operation sa Brgy. South Baluarte, Molo Iloilo City.
Sa interview sang Bombo Radyo sa team leader sang Regional Drug Enforcement Unit nga nagpahinago sang pangalan, iya ginpahayag nga nahibaluan nila ang operasyon kag transaksyon ni Remboy Donasco, 33, kag Reggie Balgoma, 40 pinaagi sa confidential informant.
Suno sa team leader sang Regional Drug Enforcement Unit, nagpanugid man si Donasco sa ila kun sa diin nagakuha sang supply sang illegal drugs.
Nahibaluan nga nakuha sa duha ang 5 ka sachet sang ginapatihan shabu kag P2,000 nga buy bust money.
Preso na sa subong sa Molo Police Station ang duha kag magapangatubang sang nagakaigo nga kaso.
