CARLES, ILOILO – Ginahibalo pa sang otoridad ang identity sang isa ka lalaki nga nasapwan nga naga-utaw-utaw sa baybayon sang Brgy. Granada, Isla Gigantes, Carles, Iloilo.
Sa interview sang Bombo Radyo kay Punong Barangay Richie Langum sang nasambit nga lugar, iya ginpahayag nga indi residente sang ila lugar ang amo nga lalaki.
Suno kay Langum, nasapwan na lang nila nga naga-utaw-utaw na sa baybayon ang bangkay.
Nakasuksok ang biktima sang t-shirt nga green, nakapantalon sang itom, may suksuk nga shorts sa sulod kag nakasuksuk sang stripes nga medyas.
Ginpahayag ni Langum nga mabukod ang panglawasun sang biktima.
Nagapanawagan si Langum sa kun sin-o man ang nadulaan sang himata nga kun mahimo, magpakig-angot lang sa Carles Municipal Police Station.
