ILOILO CITY – Ginpaguwa na sang Iloilo City Police Office ang listahan sang mga biktima sang riding in tandem sa syudad sang Iloilo.
Sa interview sang Bombo Radyo kay Iloilo City Police Office Director Police Colonel Martin Defensor Jr., iya ginpahayag nga humalin sang tuig 2016, may yara sang 31 ka mga biktima ang riding in tandem suspects.
Ginpaguwa na sang Iloilo City Police Office ang listahan sang mga biktima sang riding in tandem sa syudad sang Iloilo.
Sa interview sang Bombo Radyo kay Iloilo City Police Office Director Police Colonel Martin Defensor Jr., iya ginpahayag nga humalin sang tuig 2016, may yara sang 31 ka mga biktima ang riding in tandem suspects
Suno kay Defensor, apat ang drug related, siyam ang non-drug related, 18 ang wala pa natumod ang rason, pito ka mga suspek ang napasakaan sang kaso, duha ang nagpasa sang affidavit of non interest samtang 22 ang under investigation.
Ginpahayag ni Defensor nga sa iya pagpangalagad bilang Iloilo City Police Office Director, may yara sang anom tubtob pito ka kaso sang riding in tandem apang isa lang diri ang nasolbar kag ini ang kaso ni Mercedes “Ging-Ging” Nava sa diin nagpanindugan mismo ang witness nga nakakita sa insidente.
Ang iban nga mga kaso suno sa natungdan ang wala nasolbar bangud wala sang witness, indi klaro ang kuha sang Close Circuit Television camera kag kakulang sang ebidensya sa mga ginatudlo suspek.
