ILOILO CITY – Walo gikan sa 31 ka riding-in-tandem incidents sa syudad sang Iloilo ang natabo sa distrito sang Jaro.
Sa walo ka riding-in-tandem incidents, 1 diri ang drug related, 4 ang non-drug related, 3 ang undetermined samtang 7 ang under-investigation kag isa ang case solved.
Sa interview sang Bombo Radyo kay Police Col. Martin Defensor Jr., director sang Iloilo City Police Office, iya ginpahayag nga ang Jaro ang pinakamalapad sa tanan nga distrito sa syudad sang Iloilo rason nga madamo ang mga nagakatabo nga krimen.
Suno kay Defensor, madamu man ang mga bakante nga lote sa nasambit nga area rason nga nagapangisog ang mga kriminal.
Sa pihak sini, ginpahayag ni Defensor nga ang pagpasangkad sang beat patrol ilabi na sa tion sang gab-i ang ginapatigayon sang Jaro PNP agud nga magbantay sa palibot.
