ILOILO CITY – 16 ka sachet sang suspected shabu ang nakuha sa isa ka durugista nga nadakpan sa buy bust operation sa Zone 3, Brgy. Bakhaw, Mandurriao, Iloilo City.
Sa interview sang Bombo Radyo sa Team leader sang City Drug Enforcement Unit nga nagpahinago lang sang pangalan, iya ginpahayag nga ang subject sang buy bust operation amo si Russel Ajeto Lazaro alyas Asing, 38, sang nasambit nga lugar kag isa ka high value target level 1.
Suno sa natungdan, nabaklan sang isa ka sachet sang suspected shabu si Lazaro kag nakuhaan pa gid sang dugang nga 15 ka sachet sang
Ginpahayag man sang Team Leader sang City Drug Enforcement Unit nga si Lazaro ang downline sang drug personality nga si Eping Jimena nga nauna na nga nadakpan sa buy bust operation.
Ang buy bust operation ang ginpatigayon sang City Drug Enforcement Unit kag Mandurriao PNP.
