ILOILO – Duha ka bangkay ang nasapwan sa magkatuhay nga banwa sa probinsya sang Iloilo.
Sa interview sang Bombo Radyo ni Police Captain Fernando Punzalan Jr., hepe sang Dingle Municipal Police Station, wala pa sa gihapon nakilala ang bangkay sang babayi nga nasapwan sang isa ka concerned citizen sa Brgy. Moroboro, Dingle, Iloilo.
Suno kay Punzalan, ang biktima ang nakasuksuk sang chaleco nga pula, long sleeve nga brown, nakapedal nga stripe kag may aritos kag kulintas.
Ginpahayag ni Punzalan nga ang biktima ang ginabanta 60 anyos pataas.
Samtang sa bahin naman sang Brgy. Poblacion, Concepcion, Iloilo, ginkilala ni Police Corporal Carl Patrick Retirado, imbestigador sang Concepcion Municipal Police Station, nga ang biktima amo si Jimmy Asturias, 50, sang nasambit nga lugar.
Suno kay Retirado, nakita sang hinablos nga naga utaw-utaw sa baybayon nga sakop sang Brgy. Poblacion ang bangkay sang biktima.
Ginpahayag ni Retirado nga bag-o pa man nakita ang bangkay ni Asturias, nakita pa nga naga inom-inom ang biktima kaupod sang iya mga abyan.
Desidido naman ang pamilya nga ipaidalom sa autopsy examination ang bangkay sang biktima.
