ILOILO – Tuman nga nagakalipay ang Iloilo City Government matapos nga makabaton sang P-Wave system nga gindonar sang Taiwan sa syudad.
Ang P-Wave Sytem amo ang isa teknolohiya nga maka determinar sang linog kag kadamuon sang rainfall kun may yara sang kalamidad.
Sa interview sang Bombo Radyo kay Iloilo City Mayor Jerry Treñas, iya ginpahayag nga tuman ang pagsalamat sang syudad sa Taiwan bangud sa gindonar sang nasambit nga pungsod.
Suno kay Mayor Treñas, dako nga bulig para sa syudad ang ginhatag nga teknolohiya sang Taiwan nga magamit gid kun may yara sang mga kalamidad.
Dugang pa sang natungdan, makabulig man ini sa pag level-up sang syudad kun sa diin mas mahatagan sang atensyon ang mga kalamidad nga naga abot.
Ipahamtang ang mga P-wave systems sa kada barangay halls kag police stations sa nagakalain-lain nga distrito sa syudad.
Nahibaluan nga 20 ka set sang P-Wave ang nabaton sang syudad nagikan sa Taiwan.
