ILOILO CITY – Patay ang isa ka lalaki matapos ginluthang sa Brgy. Tabuc Suba, Jaro, Iloilo City.
Ang biktima ang ginkilala nga si Felix Argenal, 30, sang Brgy. Tacas, Jaro, Iloilo City kag empleyado sang Iloilo City Hall.
Sa interview sang Bombo Radyo kay alyas nene, iya ginpahayag nga nagtambong lang sang birthday party si Argenal sang ginluthang sang duha ka lalaki nga nakasakay sa motorsiklo.
Suno kay alyas Nene, nakibot na lang sila sang hinali lang nga may nagsulod nga duha ka armado nga lalaki kag ginpalukpan si Argenal sang makapito nga beses.
Nag-agom ang biktima sang apat ka patal nga pilas sa likod, guya, hawak kag ulo.
Nahibaluan nga una na nga nagsungka sa otoridad ang biktima bangud sa illegal drugs.
Sa subong, padayon pa ang imbestigasyon sa insidente.
