ILOILO – Nakahanda na nga ideploy ang mga Trained Green Guard sang syudad sang Iloilo, kadungan sang sunod-sunod nga pagpang guba sa mga tanom kag natabo nga bandalismo sa Iloilo Esplanade kag pila ka mga plaza sa syudad.
Sa interview sang Bombo Radyo kay Iloilo City Mayor Jerry Treñas, iya ginpahayag nga pormal na nga ginhatag sa mga green guards ang ila mga katungdanan sa ginpatigayon nga flag raising ceremony kahapon nga adlaw.
Suno sa alkalde ang mga green guards ang maga serbe nga tagabantay sang mga plaza kag esplanade agud ma tsekyar ang mga tanom kag malikawan ang bandalismo.
Samtang handa naman nga ideploy ang mga tourist guards kag trained tourist guides nga maga tsekyar sang kaayuhan sang mga turista nga nagapadulong sa syudad sang Iloilo.
Suno kay Mayor Jerry Treñas, ipahamtang ang mga tourist guards sa lugar kun sa diin madamo ang mga turista kag indi man ang kabahin sang pag level up sang
Dugang sang natungdan,gin train man sang Philippine Red Cross ang mga nasambit nga tourist guides agud handa sila nga maghatag sang first aid kun may matabo nga insidente.
