ILOILO CITY – Masobra sa P50,000 ang balor sang illegal drugs nga nakuha sa isa ka lalaki nga nadakpan sa buys bust operation sa Brgy. Buhang, Jaro, Iloilo City.
Ang subject sang buy bust operation amo si Jett Buenvenida Frieres, 34 sang Green Valley Subdivision sa nasambit nga barangay.
Nakuha kay Frieres ang isa ka wallet nga duag pula sa diin nakatago ang illegal drugs nga nagabalor sang P6,500 kag dugang nga sachet sang illegal drugs nga nagabalor sang P45,000.
Si Frieres ang magapangatubang sang nagakaigo nga kaso bangud sa pagbaligya kag paghupot sang illegal drugs.
Ang buy bust operation ang ginpatigayon sang Regional Drug Enforcement Unit.
