ILOILO CITY – Wala na natabangan pa ang 16 anyos nga dalagita sa matapos nga natiruhan sa ila mismo balay sa Brgy. Navais, Mandurriao, Iloilo City.
Sa interview sang Bombo Radyo kay Maurita Mana-ay, iloy sang biktima, iya ginpahayag nga naga-init lang sang tubig sa kusina ang iya nga anak sang natabo ang insidente.
Suno kay Mana-ay, nakibot lang sila sang may nabatian nga lupok kag nasapwan na lang nga nagahamyanon kag indi na makahambal ang iya nga anak bangud sa igo sa nawala nga abaga.
Gilayon naman nga ginpadangat ang dalagita sa hospital apang gindeklarar ini nga patay.
Ginatan-aw nga hungod nga gintiro ang biktima bangud sa isa ka pares sang tsinelas nga nasapwan sa likod sang ila nga balay.
Sa subong, padayon pa ang imbestigasyon agud mahibaluan kun aksidente ukon hungod nga gintiro ang dalagita.
