ILOILO CITY – Nakilala na ang lalaki nga nasapwan-patay sa ginabantayan nga fishing boat sa Iloilo Fishing Port Complex sa Brgy. North Baluarte, Molo, Iloilo City.
Ang biktima amo si Junito Laceña, soltero, 52, sang Brgy. Yabon, Janiuay, Iloilo.
Sa exclusive interview sang Bombo Radyo kay Capt. Erlinda Benliro, station commander sang Philippine Coast Guard-Iloilo, iya ginpahayag nga ginkilala mismo sang pamilya ang biktima.
Suno kay Benliro, ginkumpirma mismo sang utod nga may balatian nga Tuberculosis si Laceña.
Nasapwan sa kilid sang biktima ang madamo nga mga botelya sang ilimnon nga ginapatihan ginakunsumo niya antes napatay.
Gin-athag man sang natungdan nga wala sang foul play sa insidente.
