ILOILO – Ginakondenar sang mga cause oriented groups ang mga operasyon sa pila nila ka opisina kag miyembro nga ginpatigayon sang Philippine National Police kag Armed Forces of the Philippines.
Matapos ang natabo nga raid sa Negros kun sa diin ginapahayag gintanom ang mga ebidensya kag ang pag implementar sang search warrant sa isa nila ka miyembro nga gina alegar ginplantahan lang sa granada nga narekober sa iya nga balay.
Sa interview sang Bombo Radyo kay Chris Chavez, sang Anak Pawis iya ginpahayag nga isa ka crackdown sa ila nga organisasyon ang mga operations lakip man ang pag red tag sa ila.
Ginpakamalaot man ni Chavez ang tagapamaba sang Police Regional Office 6 lakip man ang Philippine National Police kag Armed Forces of the Philippines nga iya ginapahayag wala sang nahibaluan sa layi.
Suno kay Chavez, ang ila nga organisasyon ang lehitimo kag ginapakigbato lang nila ang ila nga kawsa nga magbulig sa mga nagakinahanglan.
Ginakabig naman nila nga imminent danger ang mga nasambit nga operasyon.
Dugang sang natungdan, wala naga agi sa insakto nga proseso ang gina patigayon nga validation sang Armed Forces of the Philippines.
Nagpasalig naman si Chavez nga nakahanda sila nga atubangon ang pagpanghangkat sang Armed Forces of the Philippines kag Philippine National Police nga ipakigbato nila sa korte ang mga nasambit nga operasyon.
