ILOILO CITY – Nagapati ang pamilya sang tanod commander nga ginluthang sang riding-in-tandem nga ginahingabot sila sang isa ka pulis.
Ini ang kasunod sang riding-in-tandem incident sa Zone 2, San Juan, Molo, Iloilo City sang damlag lang sa diin naka-angkon sang pilas sa tiyan ang biktima nga si Lemuel Villaruel alyas Junjun.
Sa interview sang Bombo Radyo kay alyas Louie, utod sang biktima, iya ginpahayag nga may pulis nga nagahingabot sa ila pamilya.
Antes pa man ang pagluthang sa tanod commander, ginpahayag man ni layas Louie nga naka-agi man nga gin-plantedan sang illegal drugs sang amo nga pulis ang iya magulang.
Magluwas diri, ginpahayag man ni alyas Louie nga ginsapote sang amo nga pulis ang iya hinablos nga minor de edad rason nga ila nga ginpa-blotter ang natabo kag nadagdagan sang suspension ang pulis.
Nagapati ang natungdan nga ginahingabot sang amo nga pulis ang ila pamilya kag sa subong, nagakahangawa sila para sa seguridad sang bug-os nga pamilya.
