MAKATI CITY – Ginbawi-an sang kabuhi ang Capizeña nga military nurse matapos ginbuno sang 19 anyos nga construction worker sa Makati City.
Suno kay Major Gideon Ines Jr., pinuno sang Makati City Police Investigation Unit, ginkilala ang biktima kay 2nd Lieutenant Jennett Beron Aguilar, 31, nurse sa Armed Forces of the Philippines Hospital-V. Luna kag tumandok sang Capiz samtang ang suspek naman ang ginkilala kay John Louie Brosas, construction worker sang Brgy. Martirez, Pateros.
Santo sa imbestigasyon, gin-agaw ni Brosas ang cellphone ni Aguilar nga nagahulat sang jeep.
Mismo si Sgt. Norberto Capilitan sang Philippine Army ang nagdala kay Aguilar sa Ospital ng Makati matapos niya nakita nga duguon ang biktima sa atubang sang iya balay.
Nadakpan ang suspek, duha ka oras pagkatapos sang krimen kag nakuha ang cellphone ni Aguilar.
Gin-ako ni Brosas ang pagbuno-patay sa biktima kag nagdepensa nga gintuyo siya nga lampusan sang steel pipe ni Aguilar.
May agaway nga natabo tubtub nga ginbuno sang suspek sang makaduha ka beses sa dughan ang biktima.
Nahibaluan nga magkilalahay ang duha bangud nga malapit lang ang construction site nga ginatrabahu-an sang suspek sa ginatiniran sang biktima.
