SAN RAFAEL, ILOILO – Nagalab-ot sa P15,000 nga balor sang illegal drugs ang nakuha gikan sa isa ka laborer nga nadakpan sa buy bust operation sa Sitio Balabag, Brgy. Poblacion, San Rafael, Iloilo.
Ang subject sang buy bust operation amo si Ramy Bayson Delojo, 39, kasado sang nasambit nga lugar.
Nakuha kay Delojo ang 5 ka sachet sang suspected shabu lakip na ang buy bust item, P5,000 nga kwarta lakip na ang buy bust money, isa ka cellphone kag .45 caliber pistol.
Si Delojo ang magapangatubang sang kaso nga paglapas sa Article 2, Sec. 5 kag 11 sang Comprehensive Dangerous Drugs Act of 2002 kag Comprehensive Firearms and Ammunition Regulation Act.
Ang buy bust operation ang ginpatigayon sang Provincial Drug Enforcement Unit kag sang San Rafael PNP.
