IGBARAS, ILOILO – Mechanical problem ang ginalantaw nga rason sang pagkabunggo sang truck nga ginapanag-iyahan sang F. Gurrea Construction Inc. sa riprap sa ginakaayo nga dalan sa Sitio Sobrehan, Brgy. Igcabugao, Igbaras, Iloilo.
Patay sa nasambit nga aksidente ang driver sang truck nga si Melchor Eder Erasmo, 47, sang Brgy. Tagpuan, Tubungan, Iloilo samtang pilason naman sanday Vellijo Campos Deocampo, 26, sang Brgy. Abong, Carles, Iloilo, Mark Depamaylo Surita, 29, sang Brgy. Bandol Pabrica, Dumangas, Iloilo kag Ian Mark Cantolay Impas, 20 anyos sang Brgy. Igtuble, Tubungan, Iloilo.
Santo sa imbestigasyon, padulong sa Antique ang truck kag nagalabay sa ginakaayo nga dalan sa Brgy. Igcabugao sa banwa sang Igbaras sang natabo ang aksidente.
Naka-angkon sang patal nga pilas sa nanari-sari nga bahin sang lawas ang driver nga gintunaan sang iya kamatayon.
Ginapahayag nga ang truck ang may karga nga semento.
