ILOILO CITY- Ginpresenta na sa Iloilo City Council ang proposed annual budget para sa tuig 2020.
Sa interview sang Bombo Radyo kay Iloilo City Councilor Jay Treñas, chairman sang committee on appropriations sa konseho, nag-lab-ot sa 2.7 billion pesos ang budget sang syudad.
Suno kay Treñas, ginabanta nga mas mataas ini sang 400 million pesos kun ikumparar sa annual budget sang nagligad nga tuig.
Ginpahayag sang konsehal nga pila sa mga pinaka-importante nga komposisyon sang 2020 budget amu ang adjustment sa wage increase sang mga empleyado sang Iloilo City Hall,pondo para sa City Veterenary Office kag 10% increase sa bilog nga board sa budget para sa mga nagkalain lain nga departamento sang Iloilo City Government agud maka-function ang mga ini sang maayo.
May pinakadako nga komposisyon amo ang Mayor’s Office bangud sa kadamuon sang mga personnel; City Environment and Natural Resources Office agud magmintinar sang regulasyon sa mga open spaces kag plazas agud mahatagan sang prayoridad ang mga plaza guards.
Sa subong suno sa konsehal, gin-adapt pa lang sang konseho ang proposed 2020 budget agud nga matun-an ini anay sang maayo bag-o ini nga ipasar.
