ILOILO CITY – May yara na sang mittimus order nga nabaton ang Police Regional Office 6 halin sa Sandiganbayan tuhoy sa kaso nga ginakaulamiran ni anay Janiuay, Iloilo Mayor Frankie Locsin.
Nahibalu-an nga sang bulan sang Hunyo, gindakop sang National Bureau of Investigation si Locsin bangud sa kaso nga graft and corruption.
Sa interview sang Bombo Radyo kay Police Major Engelbert Banquillo, hepe sang Molo Police Station, iya ginpahayag nga may yara na sang mandu ang Sandiganbayan nga mahimo na sayluhon sa presuhan si Locsin nga tubtub subong, nagapabilin pa sa hospital.
Suno kay Banquillo, may request na ang Iloilo City Police Office tuhoy sa status ni Locsin apang wala pa sang sabat ang pamunu-an sang isa ka pribado nga hospital sa syudad sang Iloilo.
Ginpahayag ni Banquillo nga may yara sang 12-hour shifting sa mga pulis nga nagabantay kay Locsin.
