DUMANGAS, ILOILO – 10 ka mga minor de edad ang na rescue sang otoridad sa isa ka ginapahayag hazing sa Brgy. PD Monfort North, Dumangas, Iloilo.
Sa interview sang Bombo Radyo kay Police Major Joven Arevalo, hepe sang Dumangas Municipal Police Station, iya ginpahayag nga ang mga minor de edad ang lunsay katapo sang ‘UBACHIE TROPS’ ukon Uba Chinelas Dalagan Trops nga makabig nga isa ka gang.
Suno kay Arevalo, may yara sang nagpahibalo sa ila nga may yara sang hazing nga natabo rason nga gilayon sila nga nagpatigayon sang rescue operation kag naaktuhan gid ang ginapatigayon nga hazing paagi sa paddle.
Ginpahayag ni Arevalo nga ginabanta nga naga-edad 13 anyos tubtub 16 anyos ang edad sang duha ka mga babayi kag 8 ka lalaki nga minor de edad.
Ang mga pamatan-on ang gin-turn-over sa Department of Social Welfare and Development kag gilayon nga ginpahibalo ang ila ginikanan tuhoy sa natabo.
