ILOILO CITY – Ginpat-od sang Iloilo City Police Office (ICPO) ang seguridad sang mga nagatambong sa misa de aguinaldo subong nga paskwa.
Sa interview sang Bombo Radyo Iloilo kay Police Col. Martin Defensor Jr., director sang ICPO, iya ginpahayag nga nag-deploy sila sang mga pulis sa nagkalain-lain nga mga simbahan kag iban pa nga mga lugar nga nagapatigayon sang misa.
Suno kay Defensor, naka-alerto ang tanan nga mga pulis sa diin may ginapahamtang nga mga police assistance desk agud magbulig sa mga pumuluyo.
Gin-athag man ni Defensor nga ang mga makaduluda nga bag lang ang ila nga usisaon kag mangin ang mga makaduluda nga mga tawo.
