SIBUNAG, GUIMARAS – Pasakaan gid sang kaso nga frustrated murder ang pulis nga nagluthang sa kaugalingon nga hinablos sa Brgy. Millan, Sibunag, Guimaras.
Ang biktima amo si Cyril Magan, 27, nga napilasan sa wala nga mata samtang ang suspek naman amo si Police Executive Master Sergeant Jonathan Magan, 48 sang nasambit nga lugar kag imbestigador sang Jordan Municipal Police Station.
Sa interview sang Bombo Radyo kay Police Captain Rico Sta. Ana, hepe sang Sibunag Municipal Police Station, iya ginpahayag nga desidido ang pamilya sang biktima nga pasakaan sang kaso ang suspek.
Suno kay Sta. Ana, daan nga hiligut-anon ang rason sang pagpangluthang sang tiyo nga pulis gamit ang service firearm.
Sa subong, nagapabilin pa sa hospital ang biktima apang yara na sa maayo nga kahimtangan.
Nahibalu-an nga sang natabo ang krimen, lunsay nakasakay sa motorsiklo ang mag-tiyo sang nagsumalangay ang ila banas.
