DUEÑAS, ILOILO – Kaimulon ang ginatudlo nga rason sang paghikog sang 24 anyos nga lalaki sa Brgy. Poblacion A, Dueñas, Iloilo.
Ang biktima amo si Darren Lamputi Langreo, ambulant vendor sang nasambit nga lugar.
Sa interview sang Bombo Radyo kay Police Major Gilbert Baldevarona, hepe sang Dueñas Municipal Police Station, iya ginpahayag nga ang biktima ang naghikog paagi sa paghigot sang iya kaugalingon gamit ang habol sa balayan sang balay.
Suno kay Baldevarona, ang biktima ang nagatinir lamang sa balay sang iya himata sa nasambit nga lugar.
Antes pa man ang insidente, ginapahayag nga nakita pa sang 6 ka tuig nga bata nga nagbangon ang biktima sa hiligdaan kag nagkuha sang habol.
