LEGANES, ILOILO – Ginbawi-an sang kabuhi ang isa ka anay preso matapos ginluthang sang motor-riding-suspects sa Poblacion, Leganes, Iloilo.
Ang biktima amo si Virgilio Coronado Soledad, 61, sang Brgy. Bakhaw, Mandurriao, Iloilo City.
Sa interview sang Bombo Radyo kay Police Captain Roy Tayona, hepe sang Leganes Municipal Police Station, iya ginpahayag nga halin sa banwa sang Pototan ang biktima kag nagapadulong na sa syudad sang Iloilo sang natabo ang aksidente.
Santo sa pagpangusisa, naka-angkon ang biktima sang 3 ka pilas sa ulo, 3 ka pilas sa lawas kag isa ka pilas sa butkon tuga sang .45 caliber pistol.
Ginpahayag ni Tayona nga anum ang suspek nga lunsay nakasuksok sang helmet samtang sakay sa tatlo ka motorsiklo.
Wala pa sang may maathag nga motibo sa krimen apang santo sa background sang biktima, napreso na ini sandto may kaantanan sa illegal drugs.
Wala sang Closed Circuit Television camera sa ginluntaran sang insidente apang mahimo suno kay Tayona nga may yara sang CCTV sa iban nga bahin sang banwa kun sa diin nakuhaan sang footage ang guya sang mga suspek.
