LEGANES, ILOILO – Ginatugyan na lang sang pamilya sa Ginuo ang pagsolbar sa pagluthang-patay sa isa ka ex-convict sa Poblacion, Leganes, Iloilo.
Sa interview sang Bombo Radyo kay alyas Leah, hinablos sang biktima nga si Virgilio Coronado Soledad, 61, sang Brgy. Bakhaw, Mandurriao, Iloilo City, iya ginpahayag nga mabuot nga sahi sang tawo ang iya tiyo.
Suno kay Leah, active sa church activities ang iya tiyo kag anay barangay official sa ila nga lugar rason nga wala gid siya sang may isaway sa biktima.
Ginpahayag ni Leah nga napreso ang iya tiyo bangud sa planted nga illegal drugs.
Samtang, asud-asud nga lupok ang nabati-an ni alyas Angel antes nakita nga nagahuray-ad sa higad sang dalan ang biktima.
Suno kay Angel, tuman ka tunog nga lupok ang iya nabati-an kag iya pa nga ginhuna-huna nga palupok lamang ini.
Ginpahayag man ni Angel nga yara siya sa sulod sang ila balay sang nabati-an ang lupok.
