ILOILO CITY – Nagpadayon ang transaction sa Iloilo City Hall bangud indi apektado ang building sa nagluntad nga linog kagab-i, Disyembre 26.
Sa interview sang Bombo Radyo kay Engr. Jose Cloyd Grecia, structural section head sang City Engineers Office, iya ginpahayag nga santu sa National Structural Code, kun ang linog nga nagluntad ang yara sa magnitude 5 ukon mas manubo pa, masarangan ini sang Iloilo City Hall.
Suno kay Engr. Grecia, kun may mga report gikan sa mga eskwelahan sa syudad kaangot sa mga litik, gilayon man nila ini nga ginakadtuan agud magpatigayon sang inspection.
Sa bahin naman sang heritage buildings sa syudad sang Iloilo, ginpahayag ni Grecia nga may yara na sang notice para sa mga tag-iya nga mag-hire sang private engineers agud ipa-inspect ang mga estruktura.
Sa subong, suno sa natungdan, wala pa sang nabaton nga reports nagikan sa tag-iya sang mga pribado nga buildings.
