JANIUAY, ILOILO – May yara na sang person of interest sa shooting incident sa Sitio Ermita, Brgy. Bongol, Janiuay, Iloilo kadungan sang pagsaulog sang bag-ong tuig.
Sa interview sang Bombo Radyo kay Police Captain Dadje Delima, hepe sang Janiuay Municipal Police Station, iya ginpahayag nga indi pa matumod kun bala ginluthang ukon naluthangan lang ang biktima nga si Romel Cava, 26 anyos sang nasambit nga lugar.
Suno kay Delima, yara pa sa gihapon sa hospital kag indi pa makahambal ang biktima rason nga wala pa sang kumpleto nga detalye tuhoy sa natabo.
Ginpahayag ni Delima nga indi man lang liwan sa biktima ang ginatudlo nga person of interest.
Sa pihak sini, wala na sang plano ang pamilya nga magpasaka sang kaso batok sa nagluthang sa biktima.
