Gindula sang isa ka political analyst ang kahangawa nga mahimo mangin target ang Pilipinas sa himuon nga retaliation sang Iran kag mga kaalyado sini kasunod sang ginpatigayon nga airtstrike sang Estados Unidos sa Baghdad, Iraq nga nagpatay sa isa sa pinaka-gamhanan nga heneral sang Iran.
Sa interview sang Bombo Radyo kay Mr. Ramon Casiple, Executive Director of Institute for Political and Electoral Reform (IPER) kag isa ka political analyst, iya ginpahayag nga bangud sa pagdistansiya sang Pilipinas sa Estados Unidos, malayo nga mangin target sang Iran ang Pilipinas.
Apang suno kay Casiple, indi makaluwas ang ekonomiya sang pungsod sa epekto sang amo nga hitabo.
Ginpahayag ni Casiple nga kinahanglan nga mangin handa ang Pilipinas ilabi na nga isa ang Pilipinas sa rehiyon nga ginalauman nga maga-improve ang ekonomiya sa masunod nga dekada.
Dugang pa ni Casiple, indi man mapaktan ang himuon sang mga superpowers nga mga pungsod nga posible may impact man sa ekonomiya sang madamo nga pungsod sa kalibutan lakip na ang Pilipinas.
Apang isa sa dapat talupangdon sang gobyerno sang Pilipinas amo ang mga overseas FIlipino Workers sa Middleast nga indi lang trabaho ang mabutang sa alang-alang kundi mangin ang ila seguridad.
