BALASAN, ILOILO – May yara na sang person of interest sa kamatayon sang isa ka miyembro sang LGBT community sa Brgy. Dolores, Balasan, Iloilo.
Matandaan nga sang Disyembre 31, 2019, nasapwan na lang nga laslas ang puwak sang biktima nga si Joemarie Casumpong, legal ang edad, sang Pilar, Capiz sa diin halin sa namatyan ang biktima antes nasapwan nga patay.
Sa interview sang Bombo Radyo kay Police Lt. Richard Ado, Officer-in-Charge sang Balasan Municipal Police Station, iya ginpahayag nga may yara na sang witness sa krimen kag ginahulat na lang ang desisyon sang pamilya kun bala dayunon ang kaso.
Suno kay Ado, ginatutukan sa subong sang pamilya ang haya sang biktima kag ginalauman nga pagkatapos sang lubong, mahitso na ang pagpasaka sang kaso.
Ginpahayag ni Ado nga Murder ang ipasaka nga kaso batok sa suspek nga wala anay ginhingadlan.
