ILOILO CITY – Napasa na sang Regional Crime Laboratory 6 sa Camp Carame ang basiyo sang 9mm kag .45 caliber pistol nga gingamit sa twin shooting incident sa syudad sang Iloilo sang damlag lang.
Sa interview sang Bombo Radyo kay Police Col. Enrique Ancheta, pinuno sang Regional Crime Laboratory 6, iya ginpahayag nga nagaguwa nga pareho ang armas-luthang nga gingamit sa duha ka insidente nga ginkamatay man sang duha ka mga biktima.
Suno kay Ancheta, sa bulig sang ballistic examination kag cross matching, matumod kun bala pareho nga armas ang gingamit sa duha ka insidente kag kun sanday sin-o ang tag-iya sang armas.
Ginpahayag ni Ancheta nga problema lang kun ang mga armas-luthang ang indi rehistrado.
Samtang, wala naman ginadula sang Iloilo City Police Office ang posibilidad nga natabu-an lang ukon hungod ang pagpatay sa duha ka mga biktima sa Brgy. Nabitasan sa distrito sang La Paz kag Brgy. Cuartero sa Distrito sang Jaro.
Suno kay Iloilo City Police Office Director Police Col. Martin Defensor, mahimo nga konektado ang duha ka mga insidente bangud nga pareho ang armas nga gingamit kag santo sa pagpangusisa, kasubong nga isa lang ang suspek sa krimen.
Ginpahayag ni Defensor nga mahimo nga may yara sang road rage nga natabo sa tunga sang biktima nga si Delfin Britanico, 37, kag sang suspek nga amo naman ang nagluthang-patay sa isa pa gid ka biktima nga si Alain Muller, 42.
