ILOILO – Ginpasalamatan ni Iloilo Gov. Arthur Defensor Jr. ang tanan nga empleyado sang Iloilo Provincial Government sa madinalag-on nga pagpakigbahin sa Dinagyang Festival 2020.
Kadungan sang flag raising ceremony sa Iloilo Provincial Capitol, ginpahayag ni Defensor nga makabig nga successful ang pagpatigayon sang Dinagyang Festival.
Suno kay Defensor, may yara sang katungdanan ang Provincial Government nga magbulig sa City Government agud nga mangin masadya ang pagpatigayon sang kahiwatan.
Una sa ginpasalamatan sang gobernador amo ang Sanguniang Panlalawigan kag iya man nga gin isa-isa ang mga talatapan nga yara sa kapitlyo.
Magluwas sa pagdugang duag kag kalingawan sa Dinagyang Festival, gindayaw man sang natungdan ang pagbulig sang Iloilo Provincial Government sa patag sang emergency response.
Ginpromisa ni Defensor nga sa masunod nga tuig, malabawan pa ang level sang pagbulig nga ginhatag sang Iloilo Provincial Government sa pagpatigayon sang Dinagyang Festival.
