ILOILO CITY – Gilayon nga nagtukod sang Special Investigation Task Force ang Iloilo City Police Office may kaangtanan sa natabo nga twin shooting incident nga natabo sang damlag lang.
Sa interview sang Bombo Radyo kay Iloilo City Police Office Director Police Col. Martin Defensor Jr., iya ginpahayag nga sang Enero 23 gintukod ang Special Investigation Task Force pagkatapos ginpaguwa ang resulta sang ballistic examination sa duha ka armas nga gingamit sa twin shooting incident.
Suno kay Defensor, ang Special Investigation Task Force ang pamunu-an ni Police Lt. Col. Efren Lozada bilang surpervisor, si Police Major Allan Resuma naman ang commander samtang magaserbe naman nga focal person si Police Captain Shella Mae Sangrines.
Ginpahayag ni Defensor nga ang ICPO Headquarters na ang magapanguna sa imbestigasyon agud nga mabuhinan man ang trabaho sang mga imbestigador sa La Paz kag Jaro.
Ginalantaw sang Iloilo City Police Office Director nga may yara sang epekto ang pagpatigayon sang imbestigasyon sang National Bureau of Investigation may kaangtanan sa natabo nga twin shooting incident.
