ILOILO CITY- Nagabuylog sa kasubo sang pamilya Tayaba ang Police Regional Office 6 bangud sa kamatayon ni anay Iloilo Police Provincial Office Director Police Colonel Marlon Tayaba.
Sa interview sang Bombo Radyo kay Police Lieutenant Colonel Joem Malong, tagpamaba sang Police REgional Office 6, iya ginpahayag nga ginakasubo nila ang pagkadula sang isa sa pinakamaayo nga opisyal.
Suno kay Malong, antes pa man na-admit sa hospital, nakapahibalo na nga daan si Tayaba tuhoy sa iya balati-an apang limitado lang ang mga impormasyon nga iya ginhatag.
Ginpahayag ni Malong nga madamo sang achievement si Tayaba humalin sang nagsugod sa iya serbisyo bilang pulis.
Sa tion nga may yara na sila sang kopya sang schedule sa lubong, magahatag ang Police Regional Office 6 sang tribute para sa nagtaliwan nga opisyal.
