GUIMBAL, ILOILO – Ginabanta naglab-ot sa P1.5 Million ang halit sang sunog nga nagluntad sa Brgy. Bongol San Vicente, Guimbal, Iloilo.
Sa interview sang Bombo Radyo kay SFO3 Russel Gotera, Officer-in-Charge sang Bureau of Fire Protection – Guimbal, iya ginpahayag nga ang balay nga totally burned ang ginapanag-iyahan ni Rodolfo Garalda Sr., 76 anyos.
Suno kay Gotera, masako sa pagpanghimus kag pagluto ang pamilya para sa birthday party sang tag-iya sang natabo ang sunog.
Ginpahayag ni Gotera nga namulalungan sang kabulig nga may naga-aso sa sulod sang kwarto kag sang iya ginbuksan, nag-ibwal na ang kalayo kag madasig nga naglapta bangud sa mamadlos nga hangin.
Madasig nga nakaguwa sa balay ang pamilya Garalda apang naka-angkon sang pilas ang tag-iya sang balay.
Ginapahayag nga nakasaksak nga electric fan ang gintunaan sang sunog.
