Gin-athag ni Philippine National Police Chief Police General Archie Gamboa nga isa lang ka “misinterpretation” ang ginpatigayon nga profiling sa hanay sang PNP kag iban pa nga organisasyon kag kun tani, magserbe ini nga pamukaw sa tanan.
Ini matapos nga nakabaton sang nagkalain-lain nga reaksyon kag pagpakamalaot ang pagtipon sang National Capital Region Police Office sang listahan sang mga estudyante nga Muslim sa Metro Manila.
Mangin ang pag-imbitar sang Makati City Police Office sa transgender nga si Anne Pelos ang ginpakamalaot man sang kadam-an.
Nagpahanumdom si Gamboa sa mga regional kag district directors nga maghalong sa paghatag sang direktiba nga makaapekto sa iban nga sektor sang sosyodad.
Nahibaluan nga ginbawi na ni National Capital Region Police Office Director PMGen Debold Sinas ang memorandum may kaangtanan sa updated list sang mga estudyante nga Muslim sa high school kag kolehiyo sa Metro Manila.
