ILOILO CITY– Apektado ang pila ka ruta sang tricycle nga nagabyahe sa syudad sang Iloilo bangud sa pagsulundan nga ginpagwa sang Department of the Interior and Local Government, nga wala sang mga tricycle nga makalabay sa national highways.
Sa interview sang Bombo Radyo ka Mario Silviderio Presidente sang Metro Iloilo City Tricycle Operators and Drivers Association, iya ginpahayag nga halos 1,092 ang ila miyembro ang may prangkisa, kag nagabyahe sa syudad.
Suno kay Silviderio, ang mga ruta nga apektado sangn gindagdag nga pagsulundan amo ang ruta sang San Isidro pakadto sa Baldoza La Paz kag Dungon A pakadto sa Dungon B.
Tagsa ka distrito suno kay Silviderio ang may color coding, sa diin ini man ang isa ka pamaagi agud mahibaluan kun bala iligal ukon rehistrado ang nagabyahe nga tricycle.
Dugang pa sang natungdan, nagapatigayun man sila sang validation agud mahibaluan kun miyembro nila ukon indi ang mga nagabyahe sang tricycle.
