ILOILO CITY– Positibo nga gin-identify sang lalaki nga tuyo kuntani pasudlon sa isa ka salakyan ang identity sang persona nga ginapahayag ginbuy bust sa distrito sang Arevalo.
Sa exclusive interview sang Bombo Radyo kay Alyas Tam, iya ginpahayag nga nakibot siya sa kun ngaa ginpahayag nga sa Arevalo gin buy bust si Anthony William Landicho, nga sa pagka matuod ginpick up ini malapit sa isa ka Unibersidad sa Iloilo City Proper.
Suno kay Tam, siyento porsyento siya nga sigurado sa kun ano man ang iya nakita sang natabo ang nasambit nga insidente.
Una nga gintuyo pasakyon sa puti nga salakyan si Tam samtang siya ang nagahulat sang iya bata sa Rizal St., Iloilo City Proper apang naghapa ini sa dalan,agud indi siya mapilit nga pasakyon.
Nahibaluan nga ginapahayag katapo sang Regional Drug Enforcement Unit ang nagtuyo nga pasakyon si Tam sa salakyan kag amo man ang grupo nga nagpatigayun sang buy bust operation kay Landicho.
