ILOILO CITY POLICE OFFICE- Gina-engganyo sang Iloilo City Police Office ang mga tagreklamo sang ginapahayag abduction sa distrito sang Arevalo nga magpalab-ot sang opisyal nga reklamo.
Sa interview sang Bombo Radyo kay Iloilo City Police Office Director Police Col Eric Dampal, iya ginpahayag nga kun tani magpadulong sa ila ang mga tagreklamo agud makahimo sila sang nagakaigo nga tikang.
Suno kay Dampal, luyag man niya nga makakuha sang basehan agud matigayun ang nagakaigo nga imbestigasyon.
Ginapasalig man sang natungdan nga mahatagan sang proteksyon ang mga tagreklamo.
Subong suno sa natungdan, wala pa sang himata ang nakapakig-angot sa ila agud maghatag sang statement.
