ILOILO CITY – Dugu-on samtang nagahamyangon sa dalan sang nasapwan ang lalaki nga biktima sang shooting incident sa Sta. Isabel St., (Democracia), Jaro, Iloilo City.
Suno sa witness nga nagpahinago lang sang pangalan, apat ka matunog nga lupok ang iya nabati-an.
Ginpahayag man sang witness nga indi niya kilala ang biktima nga ginkilala naman sang otoridad nga si Angel Lademora sang Bgry. Camiri, San Enrique, Iloilo kag nga nagadayaon lang sa nasambit nga lugar.
Ang biktima nga ginapahayag asset sang National Bureau of Investigation ang nakasuksok sang asul nga t-shirt, stripe nga shorts kag puti nga tsinelas.
Gindala na sa hospital ang biktima nga naka-angkon sang pilas sa ulo lapos sa likod nga bahin sang iya lawas.
