ILOILO CITY – Gin-athag sang Iloilo City Police Office nga may yara sang on-going illegal gambling sa syudad sang Iloilo kun sa diin isa sa mga nadakpan ang senior citizen nga una nga gin report nga gin-abduct sa Brgy. Progreso, Lapuz, Iloilo City.
Ang illegal gambling operation ang ginpangunahan ni Police Major Ruel Firmo sang Iloilo City Police Station 2.
Nakuha sa arestado nga si Ramon Salarda, 66, sang Brgy. Progreso, Lapuz, Iloilo City ang cotejos kag kwarta nga P1,010.
Gindala sa Iloilo City Police Office Intelligence Office si Salarda para sa documentation.
Nahibalu-an nga kaina sang udto, ginpahayag ni Punong Barangay Myde Sollano nga may nakakita nga ginpasakay sa grey nga Nissan Sentra nga may plate number FDH 210 si Salarda.
Iya pa nga ginpaparahan ang salakyan apang wala ini nagdulog kun sa diin sakay ang apat ka mga lalaki nga nagkuha sa senior citizen.
