ILOILO CITY – Wala ginadula sang hepe sang Police Station 1 nga may yara gid man sang abduction nga natabo sang Marso 3 sa syudad sang Iloilo nga sa ulihi nangin buy bust operation.
Sa interview sang Bombo Radyo kay Police Major Francisco Paguia Jr., hepe sang Police Station 1, iya ginpahayag nga indi man mahinago sa video nga nakuha nga may yara sang pilitay nga natabo sa tunga sang apat ka mga lalaki kag sang biktima nga si Anthony William Landicho.
Suno kay Paguia, kun tani, ang mga witness nga naghatag sang pahayag sa Bombo Radyo ang magpakig-angot man sa Police Station 1 agud nga makuhaan sang pahayag.
Gin-athag ni Paguia nga may witness man ukon wala, magapadayon ang imbestigasyon apang ginakinahanglan ang witness sa tion nga ipasaka na ang kaso.
Sa pagpaathag sang hepe, indi mamadinalag-on ang pagpasaka sang kaso kun kulang sang pamatuod kasubong sang witness.
