ILOILO CITY– Kanselado ang mga aktibidad sa mga barangay sa syudad sa Iloilo bangud sa pamahog sang Coronavirus disease 2019.
Sa interview sang Bombo Radyo kay Punong Barangay Roberto Niño, spokesperson sang Liga ng mga Barangay sa syudad sang Iloilo, iya ginpahayag nga na briefing na sila ni Punong Barangay Jonas Belocello, executive assistant ni Iloilo City Mayor Jerry Treñas, may kaangtanan sa kanselasyon sang mga aktibidad sa barangay nga mahimo dugukan sang mga tawo.
Suno kay Niño, ang nasambit nga lihok ang kabahin sang preemtive measures agud indi na maglapta ang VIRUS.
Pahayag pa sang natungdan, kanselado ang mga aktibidad sa barangay tubtob may pamahog sang coronavirus disease 2019.
Samtang ginpahayag man ni Dr. Roland Fortuna, focal person for coronavirus disease 2019 nga nakapakig-angot na siya sa mga barangay health workers, sa monitoring sa tagsa ka mga barangay lakip na kun ano ang dapat himuon sa tion nga may yara sang persons under monitoring.
