ILOILO CITY- Handa na ang Philippine National Police sa pagpatigayon sang checkpoint may kaangtanan sa travel restrictions nga ginpatuman ni Iloilo City Mayor Jerry Treñas.
Sa interview sang Bombo Radyo kay Police Captain Shiela Mae Sangrines, tagpamaba sang Iloilo City Police Office, iya ginpahayag nga handa sila sa deployment apang indi sila maka-deploy sang personnel kun wala sang protective gears kontra sa Coronavirus Disease 2019 (COVID-19.
Suno kay Sangrines, kinahanglanon nga maprotektahan ang mga pulis kontra sa virus agud mahimo nila ang ila trabaho.
Tanan naman nga mga pulis ang iga-deploy sa tion nga ipatuman ang force quarantine.
Ginkansela man suno kay Sangrines ang pagpatigayun sang flag ceremony sa Iloilo City Police Office.
