ILOILO CITY– Naga-apela ang Liga ng mga Barangay President sang syudad sang Iloilo nga kuntani indi na magkuha pa sang relief packs ang medyo may sarang sa pangabuhi sa mga kabarangayan.
Sa interview sang Bombo Radyo kay Liga ng mga Barangay President kag Ex Officio Member Irene Ong, iya ginpahayag nga kuntani ihatag nalang sang mga may sarang sa mga mas nagakinahanglan ang ila pagabatunon nga mga relief packs.
Suno kay Ong, ini bangud ginakulang kag limitado lang ang ginahatag nga mga food assistance, kun sa diin ginahatagan sang pagtamod ang mas naga kinahanglan.
Kuntani suno sa natungdan, magdonate ang mga may sarang sa pangabuhi, agud madugangan ang mga foodpacks nga igapanghatag.
