ILOILO – Mas gin-istriktuhan ang proseso antes makasulod sa Iloilo Provincial Capitol.
Sa interview sang Bombo Radyo kay Provincial Administrator Atty. Suzette Mamon, iya ginpahayag nga gindugangan ang sanitation desk sa kapitolyo.
Suno kay Mamon, antes makasulod sa kapitolyo ang empleyado ukon kliyente, kinahanglan anay nga mag-agi sa misting kag temperature check.
Ginpahayag ni Mamon nga mandatory man ang pagsuksok sang facemask agud nga malimitahan ang paglapta sang virus.
Kun tuhoy naman sa donasyon ang pagahambalan, ginpahayag sang Provincial Administrator nga ang bugas nga yara sa Iloilo Provincial Capitol ang gindonar sang pribado nga sektor.
May yara man sang kinarton nga sardinas nga ginbakal sang Iloilo Provincial Government kun sa diin padayon pa ang imbentaryo sang Provincial Disaster Risk Reduction and Management Office agud nga gilayon ini nga mapanghatag.
Mahimo naman nga magamit ang calamity fund samtang 70-80% sa mga Local Government Unit sa probinsya sang Iloilo ang nakabaton na sang P1 Million-P1.5 Million nga ayuda.
