ILOILO CITY – Dakop ang promodiser sang isa ka dako nga mall sa Mandurriao, Iloilo City bangud sa pagpangawat sang kape kag pagkaon.
Nagapabilin sa Mandurriao Police Station ang suspek nga si alyas Ruel, 26 anyos sang Nueva Valencia, Guimaras.
Suno sa duha ka security guard nga nakakita sa insidente, ginkuha sang suspek ang mga pakete sang kape, chips kag iban pa nga grocery items.
Sa pagpaathag naman ni Ruel, napilitan siya nga magpangawat bangud sa gutom tuga sang ginapatuman nga Enhanced Community Quarantine.
Ginpahayag ni Ruel nga ang mga nasambit nga food items ang malapit na nga mag-expire rason nga iya ini nga ginkuha sa stockroom.
Lubos naman nga nagapangayo sang pasaylo ang suspek.
